Amodau
Ni welwyd unrhyw eira na rhew ar y mynydd yn ystod arsylwadau heddiw.
Diwrnod cymylog ond sych am y rhan fwyaf o'r bore, gydag awel ysgafn. Yn codi yn braf ar adegau.
Offer hanfodol
Offer cerdded addas tymhorol, yn cynnwys goleuadau (fel lamp pen neu ddwy).
Gwybodaeth Ychwanegol
Ar ddydd Gwener adroddiad olaf y tymor mae'r rhagolygon yn awgrymu bydd y tymheredd ar y copa yn uwch na’r rhewbwynt drwy gydol y cyfnod darogan (hyd at dydd Gwener y 2ail o Fai), ac nad yw eira na rhew yn debygol yn y dyfodol agos.
Wrth i'r gwanwyn dynnu tua'r haf bydd amodau gaeafol yn mynd yn llai a llai tebygol, ond mae tymheredd isel dal yn bosibl, gan barhau i deimlo yn oer ar adegau yn enwedig mewn gwyntoedd cryf, neu drwy wlychu yn y glaw. Os am baratoi i gadw yn ddiogel ar y mynydd mae hi o hyd werth cael golwg ar y rhagolygon diweddaraf ar gyfer copa'r Wyddfa, a mynyddoedd Eryri.
Gan ddymuno haf hyfryd hirfelyn tesog yn llawn mynyddoedd, ac ambell antur i bawb, a gobeithio gai eich gweld unwaith eto gaeaf nesaf!
Gerwyn
Fyny a Lawr